Kaihoko Hokomaha

Kōwhiria mai koa he tauari:

Tauari 1:
Te noho whare rīhi tahi ki ngā hoa
$180 hei whakapau ki te kai mā te tokowhā mō te wiki kotahi

Whakahiamo ana tēnei, kei te hūnuku atu koe ki tētahi whare rīhi ki te noho tahi ki ētahi hoa tokotoru. He mea nui whakaharahara tēnei! Kua whakatau koutou ā-rōpū ka taea te $180 te whakapau ki te kai mō te wiki kotahi.

Pāwhiria te 'e koke' kia kitea ngā tūemi kei tā koutou rārangi hoko. Me āta whakatau koutou he aha ngā tūemi ka hokona.

Kei a koe tētahi $180 hei whakapau ki te kai mō te wiki kotahi mā te tokowhā. Kua tuhia e koutou ko ō hoa noho he rārangi hoko, e 32 ngā tūemi kua takoto. Tuatahi me whakatau mēnā he 'matea' he 'hiahia' rānei tēnā me tēnā tūemi. Kua tahuri koe ki te kimi i te utu o tēnā me tēnā tūemi. I muri i tērā kua kōwhiria te maha o tēnā me tēnā tūemi ka hiahiatia. Kia mahara tonu koe kei te hoko koe mā te tokowhā, ka mutu, kia kaha tonu tō ū ki te pūtea kua tohua.

Ki te hiahia āwhina koe, me mātua pātai tō pouako tētahi pakeke rānei.

Tauari 2:
Wiki mīti kore
E $90 tāra hei whakapau ki te kai mā te tokorua mō te wiki kotahi

I muri i te mātaki i tētahi pakipūmeka, ka whakatau kōrua ko tō hoa noho kia kaua e kai mīti mō te wiki. I muri i te tuhi rārangi hoko hou ka whakatau kōrua e $90 ka taea te whakapau.

Pāwhiria te 'e koke' kia kitea ai ngā tūemi kei tō rārangi hoko. Me whakatau kōrua he aha ngā mea ka hokona.

E $90 kei a koe hei whakapau ki te kai mō te wiki kotahi mā te tokorua. Kua whakatau kōrua ko tō hoa noho kia kaua e kai mīti i taua wiki. Nō reira, kāore tēnei e kitea i tō rārangi hoko. Tuatahi me whakatau koe mēnā he 'matea' he 'hiahia' rānei tēnā me tēnā tūemi. Kua tahuri koe ki te kimi i te utu o ētahi tūemi e waru kei tō rārangi hoko. I muri i tērā kua kōwhiria e koe te maha o tēnā me tēnā tūemi ka hiahiatia. Kia mahara tonu koe kei te hoko koe mā te tokorua.

Ki te hiahia āwhina koe, me mātua pātai tō pouako tētahi pakeke rānei.

Me kōwhiri rānei tētahi whakaritenga pūtea motuhake

$

Kua hoatu e tō pouako tētahi pūtea motuhake hei whakapau ki te kai mō te wiki kotahi. Tuatahi me whakatau koe mēnā he 'matea' he 'hiahia' rānei tēnā me tēnā tūemi. Kua tahuri koe ki te kimi i te utu o ētahi tūemi e waru kei tō rārangi hoko. I muri i tērā kua kōwhiria e koe te maha o tēnā me tēnā tūemi ka hiahiatia. Kia kaha tonu koe ki te ū ki tō pūtea motuhake.

Ki te hiahia āwhina koe, me mātua pātai tō pouako tētahi pakeke rānei.

Me tautuhi mēnā he hiahia he matea rānei tēnā me tēnā tūemi.

E 32 ngā mea kei te rārangi hoko, ko tāu he kōwhiri mēnā he hiahia rānei, he matea rānei tēnā me tēnā tūemi. Kia mutu te tirotiro, pāwhiria te 'e koke' kei te pito whakararo o te mata.

Ngā mea e rite ana te kīia he matea, he hiahia.

Panuku whakararo ki te whakatairite i ngā tūemi kua tāmiramiratia ki ngā hiahia me ngā matea aro whānui. He aha i rerekē ai ētahi? E whakaaro ana koe kia panonitia ētahi o ō kōwhiringa? Mēnā e pai ana, pāwhiria te 'e koke' kei te pito whakararo o te mata.

Rangahaua te utu o ēnei tūemi nei kei tō rārangi hoko:

Haere ki shop.countdown.co.nz ka rangahau ai i ngā tūemi e waru nei kei tō rārangi hoko ka whakauru ai i te utu i raro iho nei. Kua tohua kētia te utu o ētahi atu tūemi e 24 māu.

Mō ia tūemi, kōwhiria te maha ka hiahia koe mō te wiki.

Me mātua tirotiro te tapeke ina mutu tō mahi mā te whakamahi i te pātene 'tātai' kei te pito whakarunga o te mata. Mēnā he toenga pūtea āu, tērā koe ka hiahia tāpiri i ētahi atu mea. Ki te iti rawa tō pūtea, kua mate tō tango mai i ētahi mea. Me whakamahi tonu te pātene tātai ki te tirotiro i te tapeke whakapaunga. Kia mutu tēnei mahi, pāwhiria te 'e koke' kei te pito whakararo o te whārangi ki te tirotiro anō i ō tūemi.